Jostedalen er ein av dei flottaste og mest brukte plassane i Noreg for brevandring. Det gjeld anten du er ein erfaren brevandrar, ynskjer å vere med på arrangerte turar eller vil lære å ferdast trygt på bre.

Oppe på platået er det ypparlege forhold for skiturar. Våren er ei spesielt egna årstid. Skituren "Josten på langs", ein skitur på 3 dagar frå Jostedalen til Fjærland, er kjend som "Vårens vakraste eventyr". På denne turen kan ein også få med seg toppar som Lodalskåpa, Brenibba og Kjenndalskruna. Det kan og gjerast som kortare rundturar.

For dei som ynskjer føring eller vil gå på kurs tilbyr, Jostedalen Breførarlag alt frå enkle breturar til kurs over ei heil veke. Om du ynskjer, kan du òg leige din eigen private førar.

Breheimsenteret i Jostedalen er eit museum og informasjonssenter for Jostedalsbreen og Jostedalsbreen Nasjonalpark. Her finn ein informasjon om det meste som har med breen å gjere.